وبستنّى
وبتمنّى
أشوفِك
تاني لو لمحة
كأنِّك
من الهنا نفحة
بنورِك
عيني تتحنّى
يرفرف
قلبي من الفرحة
يحطّ
يمامة ف إيديكي
وينسى
دنيته الجارحة
ويسكن
في دفا عنيكي
وبعد
الحزن يتهنّا
وبستنّي
سنين
ضاعت وأنا لوحدي
وشوش
رايحة ووشوش جاية
وكل
ما ضحكة بتعدي
يقول
قلبي مهيش هيّا
حبيبتي
فراشة م الجنة
وما
بينّا
يدوب
التلج في المسافات
ويخلص
سكر الحكايات
وألف
ربيع يضيع تاني
وتدبل
زهرة الأوقات
وفاكرك
وأنتي ناسياني
وحبي
ليكي يتغنَّى
يا
تمر الفرح يا حِنّة
يا
عطر نسيم رياحنا
يا
ريح دايرة طواحينا
في
قلبي محبتك طارحة
يا
أحلى عروسة بالطرحة
سمعتِك
عازفة ألحانّا
أتاري
القلب بِتمنّى
ويستنّى
وبَستنّى
محمد حمدي غانم
22/3/2014
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.