اللي البدر عيونه
اللي
البدر عيونه ... طالل من بلكونه
وأنا
واقف ملهوف مستني، ما أنا عاشق مجنونه
نفسه
يكحل رمشه بصورتي ينسّي القلب ظنونه
ويحرر
مسجونه ... من حيرة أشواكه
اللي
السحر شِباكه ... طالل من شبّاكه
مشغول
عني جماله تملي وأنا درت في أفلاكه
طول
العمر ف قلبي ملاكي، وامتى أنا هبقى ملاكه؟
غيرة
القلب هلاكه ... من زحمة خطّابه
اللي
العطف خِلا به ... وأنا واقف على بابه
صحيت
أهل الشارع كله وحتى جيرانه اتغابوا!!
وهُوّا
ينام متهنّي بحيرتي، ما هو فرحان بشبابه
ثانية
تفوت ف غيابه ... بتدوقـني لهـيبه
اللي
التقل حبيبه ... أنا حالف ما هسيبه
رحت
الصين وتشيلي وكندا وجبت الديل من ديبه!!
وهو
بايعني وليه مستكبر يبقى نصيبي نصيبه؟
نفسي
حنيني يصيبه ... لما أخطر على باله
اللي
عذابي حِلا له ... قلبي وروحي حلاله
حاسس
بيا بس يخبّي، واحترت ف أحواله
ليه
يتهرّب من أشواقي وأنا نفسي أقولها له؟
ما
يقرّب لي وماله؟ ... الوعد أنا سبّـقته
اللي
بروحي عشقته ... من بسمة أنا صدّقته
خدني
الوهم لجنة حبه وعمر القرب ما دقته
لو
مش ناوي تسلم قلبك ليه القلب سرقته؟
يا
اللي الحلم فارقته ... حلم حياتك عندي
روح
يا نسيم يا معدي ... عند الخد الوردي
بوس
لي عيونه النجلا وقل له عمره ما يدبل وردي
مهما
يطول الليل أنا هصبر بس كفاية تحدي
مشتاق
أنا ما بيدي ... شمسي تنور كونه
اللي
البدر عيونه ... طالل من بلكونه
وأنا
واقف ملهوف مستني ما أنا عاشق مجنونه
محمد
حمدي غانم
نوفمبر،
2009
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.