أول قطفة
كان من حقي إني أدوقك أول قطفة
وأخطف قلبك من أحضانك حتة خطفة
وارسمه نجمة في ليل أحلامي وروحك حالفة
لو نتفرق ثانية تجمّع بينّا اللهفة
مهما اشتد البرد، بحضن عنيكِ اتدفى
قلبي شراعي ف بحر الدنيا، هواكي الدفة
بس خسارة، العمر سرقنا لأنك خايفة
وأما قابلتك تاني وكانت أجمل صدفة
مدّيت إيدي وانتي فضلتي مكانك واقفة
يا اللي بتسألي لسة بحبك ليه مش شايفة؟
رغم ظنونك بصي ف قلبك تصبحي عارفة
إن انا حب العمر، وانّي في حبي الأوفى
وان أنا حقي إني أدوقك أجمل قطفة
وأخطف قلبك من أحضانك حتة خطفة
محمد
حمدي غانم
27/7/2015
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.