عنديّة
تصعب عليا البنت اللي بحبها
لما الفراق المر يكسر قلبها
مسكينة بردو هتعمل إيه؟
وف كل مرة اروح اطيب جرحها
ألاقيها تاني مغلباني بعندها
مسكين انا وانا ذنبي إيه؟
الحلوة سهلة وصعبة جدا أصلها
عشقاني وتْعِبني غرورها بعقلها
غلطانة، فين زيّي تلاقيه؟
بس أما بزعل وأحلف أبعد عنّها
ألاقيها تهماني بخيانة حبّها
واحترت طيب أعمل إيه؟
محمد حمدي غانم
10/10/2015
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.