دهشة من عالم فريد
نظرة واحدة
مش كفاية = بسمة واحدة إيه تفيد
عايز أتنفس
ملامحك = عطر يسري في الوريد
وأما اغمّض
أبقى شايفك = وأما أفتّح يبقى عيد
يا اللي لسة
بتسأليني = تاني م الأول هاعيد؟
ليه أقولك
وانتي سامعة = نبضها ف قلبي نشيد
وامّا مرة
مني بازهق = باجي أحبك من جديد
كل مرة
بتسحريني بْـدهشة من عالم فريد
فين ألاقي
غير فِ حبك = كل ما قلبي يريد
محمد حمدي
غانم
24/4/2016
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.