حصار
أنا حارسِك وسجانِك = وساكن جوة وجدانك
مراقبك نبضة ف ضلوعك = محاوطك زي فستانك
ووردي عطر أنفاسك = وانا فِ عنيكي بستانك
وطعم البسمة فِ شفاهك = وصوت الضحكة ف ودانك
وغاوي اللعب بشعورك = عشان تشتاق لي أحضانك
مفيش مهرب خلاص مني = أنا يا حبيبتي إدمانك
يَآنستي أنا أُنسِك = وانا إنسك وانا جانك
فمتعانديش قصاد حبي = أنا عقلك وانا جنانك
محمد حمدي
غانم
13/5/2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.