يا ويلك مني
يا عيون ساحرينّي
بتداري غرامك ليه كدا عني؟
وتزيدي ف ظني
اكمني انا دايب دوب في النني؟
فيا ويلِك مني
دانا لما أتجنّن أجنّ جنون اللي يجنّنني!
يا عيون بتغنّي
يا اللي انتي جمالك شعري وفني
انا واد حريف
من غير تحريف هعمل لك جنّي
وأقطف من خدك ورد وشهد وبدر ف ليل الشوق متهنّي
يا عيون آسريني
أنا حلمي تحِنّي
وبإسمي يكون قلبك متحنّي
محمد حمدي
غانم
20/8/2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.