ثورة عاشق
أنا موش لعبة ف إيديكي
بالحلم تعشميني
وبصدك تجرحيني
وتغيبي وتهجريني
وأفضل مشتاق إليكي
بالحلم تعشميني
وبصدك تجرحيني
وتغيبي وتهجريني
وأفضل مشتاق إليكي
أنا قلت كثير بحبك
وحياتي وقلبي ملكك
وجميع أحلامي عندك
وندهت وقلت عايزك
والوقتي الدور عليكي
وحياتي وقلبي ملكك
وجميع أحلامي عندك
وندهت وقلت عايزك
والوقتي الدور عليكي
لو كنتي عشقتي قلبي
وخيالك تاه في حبي
واخترتي تعيشي جنبي
فكفاية تستخبي
شاوري على طول أجيكي
وخيالك تاه في حبي
واخترتي تعيشي جنبي
فكفاية تستخبي
شاوري على طول أجيكي
ودي آخر حاجة عندي
لو عايزة كمان تعاندي
موش هعمل فيها غاندي
روحي هاتي علبة هاندي
وامسحي دمعة عنيكي
لو عايزة كمان تعاندي
موش هعمل فيها غاندي
روحي هاتي علبة هاندي
وامسحي دمعة عنيكي
أنا موش هجري وراكي
ولا تاني أطلب هواكي
ولا هصرخ من أساكي
ولا أبات طول ليلي شاكي
ولا دمعي يكون شريكي
ولا تاني أطلب هواكي
ولا هصرخ من أساكي
ولا أبات طول ليلي شاكي
ولا دمعي يكون شريكي
ما كفاية حرام عليكي
عذبتي القلب بيكي
حيرتي العقل فيكي
آخر ما هقوله ليكي:
أنا موش لعبة ف إيديكي
عذبتي القلب بيكي
حيرتي العقل فيكي
آخر ما هقوله ليكي:
أنا موش لعبة ف إيديكي
محمد حمدي غانم
20/1/2011
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.