البنت النّونو
البنت النونو المفعوصة أمّ عيون حلوين
لسّة يدوب تتهجّى الحبّ وبتسهّرني حزين
أمّال لو تحلوّ شويّة كمان أنا هاهرب فين ؟
لسّة يدوب تتهجّى الحبّ وبتسهّرني حزين
أمّال لو تحلوّ شويّة كمان أنا هاهرب فين ؟
باسْهر ليلي أستنّى ف بُكرة وبكرة كمان سنتين
وأمّا بشوقي بأقرّب منها وكلّ القلب حنين
ألقى كلامي يدوب فِ شفايفي ما أقولشِ يادوب حرفين!
وألقى الضّحكة السّاخرة تنغبش في عيونها الخايفين!
تيجي عيوني تدوب فِ عنيها تقول لي: "ها وبعدين؟!"
تهرب منّي ف لمحة وقلبي ف لهفة وشوق وأنين
البنت النونو المفعوصة أمّ عيون قادرين
وأمّا بشوقي بأقرّب منها وكلّ القلب حنين
ألقى كلامي يدوب فِ شفايفي ما أقولشِ يادوب حرفين!
وألقى الضّحكة السّاخرة تنغبش في عيونها الخايفين!
تيجي عيوني تدوب فِ عنيها تقول لي: "ها وبعدين؟!"
تهرب منّي ف لمحة وقلبي ف لهفة وشوق وأنين
البنت النونو المفعوصة أمّ عيون قادرين
محمد حمدي غانم، 2000
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.