المتابعون للمدونة

الأربعاء، 4 فبراير 2015

مدار


مدار 

أنا خنت قلبي وخنتني
لما افتكرتك واحدة تانية
وغرقت في عيونك ف ثانية
وف لمحة واحدة لقيتني عاشقك من جديد! 

يا ساكنة ف الحلم البعيد
عنوانه تاه مني وما لقيتش الطريق
وما كانش غير حزني رفيق
ولقيتني من تاني باعيد 

يا درة الحلم الفريد
من غير ما أقول إنتي اعرفي
جناتي ملكك فاقطفي
ما تخافي من سوط العبيد! 

حبي اللي ساكن في الوريد
مشتاق إليكْ فوق ما اشتهى
عدا حدود المنتهى
مهما يزيد موش راح يزيد! 

محمد حمدي غانم، 2013

 

 

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

صفحة الشاعر