منتهى أنثوتك حنانك
حنّي مَرّة
حبي مَرّة = أي حد غير كيانك!
طول ما قلبك
عيشته مُرّة = عمره ما هيفرح زمانك
لِي ف قساوتك
مستمرّة؟ = عارفة لو كنت ف مكانك؟
كنت أعيش
الدنيا حُرّة = مش سجينة بين حيطانك
واعرفي ان
الحب دُرّة = والحبيب ماسك تيجانك
كوني واثقة
ومستقرّة = وافتحي حالا بيبانك
واخْضِعِي للحب
غُرّة = وانحني دا التاج عشانك
ليه تخلي الماضي
ضُرّة = تقطر المُرّ ف لسانك
ارمي كل العِند
برّا = منتهى أنثوتك حنانك
هُوّا في
الإحساس مَعرّة؟ = بطلي حالا جِنانك
شيلي راء
"الحرب" مَرّة = يزهر الحب في جِنانك
محمد
حمدي غانم
29/7/2015
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.