الحب في هندسة اتصالات
يا
حلوة وشايلة Avometer
هنتقابل سوا Later
ومنّك نِفسي فِ إضافة على فيسبوك وتويتر
وبتقولي
انسَى لا إنسِي
ما
يقدر جنّي ولا إنسي
ريسيفر
قلبي متزبط على أحلى Frequency
غسلت
سناني بالسيجنال
وباعت
ضحكتي Signal
مضمّن بثّها Digital
تقولّك لينا مستقبَل
فهاتي بس مستقبِل!
شيلي
التيار عن ال Circuit
خلاص
من لهفتي اتحرقت
أنا
من بدري مشتاق لك ولا والله ما بنكّت
يا خوفي وربنا يستر
خلاص هيطق لي Capacitor
ودا تصميم؟ قصاد حبي مليتي الدايرة Resistor
كفاية حرام دنا لسة مغير كام Transistor
خلاص بقى واركني على جنب
أنا مركّب جديد OpAmp
في إحساسي رفعت ال Gain
عشان قلبك ركبت الصعب
وهعلنها بعلو الصوت: باحبِّك وانتي حبك ذنب!
حبيبتي ودنيتي يا ملاك
يا ريتك تبعتي Feedback
تعالي نوصل الاسلاك
وخفي ال Load دنا بهواك
ومدي لحبنا Cable
وكوني واثقة و Stable
ما دمنا جهدنا عالي هيفضل حبنا Able
ولو باعد حبنا Site
عامل لِك قلبي Satellite
وباعت بثّي ليك لايف
وشوقي بسرعة ال Light
دا لو كان بيا قلبك حس
أكيد هيبان عليه Response
فليه بقى تعملي Suppress
وأنا يا أميرتي بردو برنس
كفاية أنا لسة هستنى
ما ترفعي م ال Power سنّة
دنا طول ليلي بتصنّت ومالي السطح Antenna
وواحد قالها حكمة زمان: ويل اللي يحب أنتُنَّ
دا محتاج قلبِك Inverter
فيعلن حبي ويعبّر
وارَكِّب بردو من غيرتي على دقاته كام Filter
عشان فِ مشاعره أتحكم وأفرض حبي وأسيطر
محمد
حمدي غانم
4/10/2015
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.