خلطبيطة
أنا راجل عصري ودقة قديمة
شاعر ولهان
عاشق غلبان
عايش سلطان معليهش القيمة!
شارد فِ جنوني بقول ترنيمة
واثق من نفسي عشان قلقان
متهور بس في نفس الآن
خايف من بكرة كأني جبان
متمرد بس بنفس التيمة
أنا طيب قوي ومشاعري لئيمة
أنا وحدة وزحمة وضلمة وسيما
خانقاني دموع وعنيا وسيمة
على زمني بشخبط بالألوان
أنا واحد عادي ف توب فنان
إنسان ولا حاجة وحاجة عظيمة
محمد
حمدي غانم
21/2/2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.