برجاء تسجيل الإعجاب بالصفحة لتصلك كتاباتي على فيسبوك

المتابعون للمدونة

الأربعاء، 6 ديسمبر 2017

يا ويلك مني



يا ويلك مني 

يا عيون ساحرينّي
بتداري غرامك ليه كدا عني؟
وتزيدي ف ظني
اكمني انا دايب دوب في النني؟
فيا ويلِك مني
دانا لما أتجنّن أجنّ جنون اللي يجنّنني!

يا عيون بتغنّي
يا اللي انتي جمالك شعري وفني
انا واد حريف
من غير تحريف هعمل لك جنّي
وأقطف من خدك ورد وشهد وبدر ف ليل الشوق متهنّي

يا عيون آسريني
أنا حلمي تحِنّي
وبإسمي يكون قلبك متحنّي

محمد حمدي غانم
20/8/2017

 


ليست هناك تعليقات:

إرسال تعليق

صفحة الشاعر