المتابعون للمدونة

السبت، 6 يناير 2018

هرب البلبل



هرب البلبل 

أنا عارف إنِّك
عايزة البلبل يفضل عازف على بلكونتك
صوته يسلي غرورك، دايما يرضي أنوثتك!
بس يا ظلمك
ولا يوم يدخل قلبك مرة ويسكن حضنك
ولا يوم سِبتيه يبص لبرا يودع سجنك
بس البلبل قدره إنه يغني
مش مخلوق لك
عَدَّى ربيعك وانتي اخترتي تكوني لوحدك
مش محقوق لك
إنتي كسرتي بإيدك قيده بقسوة قلبك
هرب البلبل غصبا عنه وغصبا عنك
فات لك غنوة حب حزينة وودع فنك
طار بجناحه
وكانت آخر مرة بيعزف لحنك
سابك عارفة مشاعره
وسبتيه عارف إنك
عايزة البلبل يفضل عازف على بلكونتك!
محمد حمدي غانم
24/8/2017


ليست هناك تعليقات:

إرسال تعليق

صفحة الشاعر