برجاء تسجيل الإعجاب بالصفحة لتصلك كتاباتي على فيسبوك

المتابعون للمدونة

الاثنين، 26 سبتمبر، 2016

عشان من صغري حبيتك



عشان من صغري حبيتك 

وفاكرة إنك هتتعاري = إذا م الكبر تتعري
قوام بزيادة تتغري = وانا حضنك وانا بيتك
عشان من صغري حبيتك = و ع الفرقة دي بتصرّي 

يا شوك طارح في قلب ملاك = عرفت إن الزمن قساك
وأنا صابر وهستناك = منا حضنك وانا بيتك
عشان من صغري حبيتك = ولسة التوهة ليه واخداك؟ 

يا توتة ف بقها توتة = بقت حكايتنا حدوتة
وليه أحلامي مكبوتة = وأنا حضنك وأنا بيتك
عشان من صغري حبيتك = مسبتش فيكي فتفوتة 

يا خايفة وعاملة زعلانة = ما تنسي فلان وعلانة
ما دام إحساسنا علاّنا = وأنا حضنك وأنا بيتك
عشان من صغري حبيتك = ولسة عليا تقلانة! 

محمد حمدي غانم
26/9/2016

 

 


ليست هناك تعليقات:

إرسال تعليق

صفحة الشاعر