برجاء تسجيل الإعجاب بالصفحة لتصلك كتاباتي على فيسبوك

المتابعون للمدونة

الأحد، 30 يوليو 2017

أحلى قصيدة حب



أحلى قصيدة حب
إلى حروفها المراوغة التائهة بين حروفي:
صَمَتُّ لأنني أتلعثم! 

أنا خايف أقولك أحلى قصيدة حب
تدوبي ف عشقي ف دقة قلب
تدوقي اللهفة وليلك صعب
تقولي لقلبي ظلمتني ليه؟
فانا قلت أستأذن قبل ما أقولها:
ممكن أقول لعنيكي جمالها؟
ممكن أدوق م البسمة دلالها؟
وأعزف للضحكات موالها؟
وأهمس لشفايفك وأسألها
لو حبيتك هتقولي إيه؟
وأنا حذرتك:
لو عايزة أحبك.. بضمانتك
غلطان لو يوم أنا طمنتك
أصل اللي أعشقها أنا باملكها
هتقولي خطفتِك وسجنتِك
وأديني بقولها وخيّرتك:
لو خايفة من حبي.. سيبيه
اه على فكرة
دي مش أحلى قصيدة حب.. استني لبكرة
يمكن أقولك ليه انا دبت ف نظرة عينك لو مش فاكرة
أو لو ناكرة
إن القلب العاشق سحرك
ف بحور حبك
غرقتيه 

محمد حمدي غانم
27/7/2017

 


ليست هناك تعليقات:

إرسال تعليق

صفحة الشاعر