هوامش بدم الضحايا
علشان ركبت القطر
نطروا حياتي نطر
كتبوني تحت السطر
***
جثث الضحايا وطن
أرضه مساحة كفن
طارحة فدادين عفن
***
اللي كروشهم بجع
أكلوا بلدنا فجع
وسابولنا بس الوجع
***
المرتاحين في القصر
بيقولوا تحيا مصر
والموت يفوق الحصر
***
معنى طلوع الروح
إن البلد بتروح
مات الوطن مجروح
***
الموت نهاية الخوف
متغمّي أو بتشوف
عنده الحجاب مكشوف
محمد
حمدي غانم
عن
حادث تصادم قطاري الإسكندرية
11/8/2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.