بنات كتير
في بنات كتير
أجمل منك
مغرورة ليه
ما تعيشي سنك
هو عشان
شايفك قمري
قلبك عليا
هـيتّـنّك؟
في بنات كتير
حلوين زيك
وانا واد
حليوة ومتتشيك
لو واحدة
حلوة تغمز لي
انا ممكن
ابعد عن ضيك
في بنات كتير
وانا مش فاضي
ولا قلبي عن
غيرك راضي
يا اللي
خطفتيه من نظرة
انا لازم
اخدك عالقاضي
في بنات كتير
حلوين طعمين
بس انتي ليا
أغلى الغاليين
من يوم ما
شفتك يا حبيبتي
بهواكي وانتي
حبيبك مين؟
في بنات كتير
ناصبين لي شِباك
باصين عليا
من الشّباك
وأنا قلبي
لسة ف صنارتك
صادني الغرام
وهواك شبّاك
في بنات كتير
وأنا هعمل إيه
ما تجيبي
قلبي أهواهم بيه
يا أحبّهم يا
تحبّيني
أنا هاعمل
اللي تقولي عليه
في بنات كتير
وكتير ياما
وأنا قلبي في
الحب يمامة
بس انتي
قصقصتي جناحي
وبقيتي نفسي
اللوامة
في بنات كتير
وأنا ما لي بيها
دي حبيبتي بس،
بموت فيها
لما جمالها
ملا عيني
علطول بقيت
مخلص ليها
محمد حمدي
غانم
16/8/2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.