إيه أحلى مني ف قربها
ف سكوتها يدبل وردها
ولاْ دمعة فرت منّها
وإزاي هتبكي ما عادش حس
مسكينة محرومة الأمل
لا تحب ولا داقت عسل
عايشة كدا صخرة وبس
ضحكت على روحها كثير
بذكاءها وطموحها الكبير
والفرح عن روحها انحبس
وأنا اللي ساكن حلمها
ومعايا مفتاح قلبها
أنا وحدي فارس دي الفرس
بس الغرور يعمي البصر
عن حلم روحها اللي انكسر
والقلب في اليأس انغمس
الحلوة لسة معاندة ليه
هو اللي فاضل ليها إيه
لو كل شيء فيها التبس
لو يوم تصالحني بقى
تلقى الحياة متزوقة
وشراعها لشطوطي انعكس
إيه أحلى مني ف قربها
وعنيا غارقة ف سحرها
والورد لخدودها همس
وفْ ألف غنوة كتبتها
والفرح ساكن قلبها
والضحك شفايفها لمس
محمد حمدي
غانم
8/4/2016
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.