المتابعون للمدونة

الثلاثاء، 11 أكتوبر 2016

يعني إيه؟


يعني إيه
تحتاج تسافر ألف رحلة ف لون عنيها عشان تبص ف لون عنيك؟

يعني إيه
تعشقها مرة، اثنين، ثلاثة، ف نص ضحكة - لسة خايفة – بتناديك؟

يعني إيه
تشتاق لها أكتر وأكتر كل مرة وهيّا دايبة بين إيديك؟

يعني إيه
تعرف وتجهل أد إيه تعطش وتنهل من شفايف عايزة تسأل هيا ليه
الحياة بطعم ابتسامتي أحلى ليك؟

يعني إيه
عنها تتوه فيها، وفيها بتلاقيك؟
وأما ترجع مهما ترحل تبقى ناسي كل حاجة وتاني تسأل
يعني إيه؟! 

محمد حمدي غانم
5/10/2016

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

صفحة الشاعر