برجاء تسجيل الإعجاب بالصفحة لتصلك كتاباتي على فيسبوك

المتابعون للمدونة

الجمعة، 5 مايو 2017

هاغشش قلبك



هاغشش قلبك 

مش هتقولي لقلبي كلام معسول
مغزول بخيوط الحب
رَهِيف؟

مش هتقولي:
"عشقتَك من يوم شُفتَك دهشة عمري
عشق عفيف؟"

مش هتقولي:
"باحبَّك
حب الموج الدافي لشطه ف ليلة صيف؟"

مش هتقولي:
"حضنتَك جوا القلب العاشق
صورتَك غنوة وطيف؟"

مش هتقولي:
"يا أجمل حلم حلمته
الوقت سرقنا وعمرنا ضيف؟"

مش هتقولي:
"تعالى نكمّل بعضنا
نسرق فرحنا قبل خريف؟"

مش هتقولي:
"خلاص أنا آسفة عشان زعلتك
انسى دا كان تخاريف؟"

ولاّ أقولِك:
قولي "باحبَّك" واسكتي خالص
سيبي شعورنا يضيف

مش هتقولي؟
محمد حمدي غانم
3/5/2017

 


ليست هناك تعليقات:

إرسال تعليق

صفحة الشاعر