المتابعون للمدونة

الخميس، 10 مارس 2016

حصار


حصار
 

البسمة ليه غابت = يا حلوة عن عينك

لو تقصدي زعلي = فالله بقى يعينك

هتشطفي بدمعك = بإديكي مواعينك

وتبوسي من شوقك = صورتي فْ فناجينك

وتشكّلي ف حزنك = من ضحكتي عجينك

وهتطبخي تعبك = وتدوقي مُرّينك

وهتنشري همومك = على شوك طواحينك

وهتكوي قمصانك = ونيراني كاويينك

وتتوهي عن شغلك = والخوف عناوينك

وهترجعي ليا = وتبوحي بحنينك

ليه تنكري إني = ساكن شرايينك

وانتي سنين غالية = وعيوني شاريينك

محمد حمدي غانم

3/3/2016

 

 

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

صفحة الشاعر