توهان
في عز ما كان
لأرض الخوف حيطان وبِبان
وشوك طارح في كل مكان
وناس تايهة بلا عنوان
وهيا السجن والسجّان
ووسط الخوف
ووسط العادي والمألوف
لقيت نفسي كدا ماشي على الكورنيش
بدون زفة بدون كرانيش
وواحد قالي متخافشي يا أبو الدراويش
دي هيصة وهايصة ع الفاضي
وآخر اللية كله مفيش
وينفع بردو يا كابتن
فِ أشباه دولة يعني تعيش؟
ومين أنا وأنتا فهّمني
وإيه اللي احنا بنقوله
أكيد يعني دي طالبة حشيش!!
فقلت صحيح أكيد فعلا دي حاجة جنان
فخد لنا صورة بالألوان
لأحلى كوسة وبتنجان
محمد حمدي غانم
8/5/2016
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.